kom.mn платформ ашиглан бүтээсэн дэлгүүрээс худалдан авалт хийсэн худалдан авагчид одооноос барааны төлөв, захиалгынхаа явцыг дэлгүүрийн баруун дээд хэсэгт байрлах “Захиалгын явц” холбоосыг ашиглан хүссэн үедээ хянах боломжтой боллоо.
kom.mn платформын захиалгын явц нь 4 төлөвтэй. Үүнд:
- Захиалга үүссэн
- Захиалга баталгаажсан
- Хүргэлтэнд гарсан
- Хүргэсэн
Худалдан авагч авахыг хүссэн бараагаа сагслаад, хүргэлтийн мэдээллээ оруулж “Захиалгыг батлах” товчлуурыг дарснаар захиалга нь үүсдэг. Үүссэн захиалгууд админ хэсгийн “Захиалгууд” цэсэнд “Захиалсан” төлөвтэй харагдана.
Худалдан авагч хүргэлтийн мэдээллээ бөглөсний дараа “Төлбөр төлөх” хэсэг рүү очих бөгөөд энэ хэсэгт төлбөр төлөхтэй холбоотой мэдээллүүд харагдана. Үүнд төлбөрийн дүн, төлбөр хүлээн авах банк, дансны дугаар байх бөгөөд худалдан авагч гүйлгээний утга дээр манай программаас үүсгэж өгсөн дахин давтагдахгүй 6 оронтой тоо бичиж өгөх ёстой.
Худалдан авагч мөнгөө шилжүүлснээр буюу kom.mn платформын хэрэглэгч дансандаа мөнгөө авснаар захиалгыг дараагийн төлөв буюу баталгаажсан төлөвт шилжүүлнэ. Энэхүү үйлдлийг бизнес эрхлэгч өөрийн “Удирдлагын самбар” хэсэгт нэвтэрч хийх бөгөөд манай платформын нэмэлт үйлчилгээг ашиглан мөн автоматжуулан хийх боломжтой.
Захиалгыг автоматжуулах нэмэлт үйлчилгээ нь нэгж захиалгаас 200₮ шимтгэлтэй бөгөөд энэхүү үйлчилгээг ашигласнаар бизнес эрхлэгч өөрийн ажил, цаг завыг хэмнэхээс гадна худалдан авагчдад мөн хамгийн хурднаар өөрийн захиалгыг баталгаажсан эсэхийг мэдэх боломжийг олгодог давуу талтай.
Бидний хийсэн хөгжүүлэлт та бүхэнд таалагдсан гэдэгт итгэж байна.
Таны энэ өдөр зол жаргал, инээд баяслаар дүүрэн байх болтугай.
