“Хүргэлтгүй” буюу ирж авах сонголт манай платформд нэмэгдлээ. Энэхүү сонголт нь дижитал бүтээгдэхүүн борлуулах, эсвэл хүргэлт хийх боломж завгүй хэрэглэгчдэд маань илүү тохиромжтой юм.

Та бүхэн хүргэлтийн мэдээлэл оруулах цонхыг Удирдлагын самбарын “Тохиргоо” хэсгээс олох боломжтой. Хүргэлтийн мэдээллийн үндсэн сонголт нь "Бүх хүргэлт төлбөртэй"-гээр тохируулагдсан байгаа бөгөөд та бүхэн өөрийн хүссэнээрээ өөрчлөн шинэчлэх боломжтой.

Хэрвээ та хэрэглэгчиддээ онлайнаар дэлгүүр хэсэхийн давуу талыг мэдрүүлж, тэднийг ахин дахин худалдан авах урам зориг өгч урамшуулахыг хүсвэл “Бүх хүргэлт үнэгүй” сонголт танд туслах болно. Буйдан дээрээ хэвтээд тухтай дэлгүүр хэсээд гэртээ үнэгүй хүргүүлээд авах боломжоос хэн татгалзах билээ дээ.

Мөн мэдээж “Бүх хүргэлт төлбөртэй” сонголт ч байгаа. Ингэснээр худалдан авагчийн барааны төлбөр дээр хүргэлтийн төлбөр нэмэгдэж тооцогдоно. Хэдийгээр хүргэлтийн төлбөр нэмэгдэж байгаа ч цаг заваа хэмнээд, хайсан бүтээгдэхүүнээ хаанаас ч хэзээ ч онлайнаар худалдаж авах боломжийг олгож байгаа нь цаг зав багатай өнөөгийн бидэнд ямар их хэрэгтэй билээ дээ.

“Үнийн дүнгээс хамаарч үнэгүй хүргэлттэй”, “Барааны тооноос хамаарч үнэгүй хүргэлттэй” сонголтууд нь худалдан авагчид болон бизнес эрхлэгч хэн хэнд нь ашигтай сонголтууд юм. Та онлайн дэлгүүрийнхээ ашиг орлого, зарлага, хэмнэлт болон хүргэлтийн үнийн дүнг тооцоолж энэхүү сонголтуудыг хэрэглэгчиддээ санал болговол худалдан авагчдад хүргэлтийн мөнгөө хэмнэнгээ худалдан авалт хийх нь илүү таалагдаж илүү олон бараа худалдаж авах сэдэл төрүүлэх боломжтой юм.

Эцэст нь “Хүргэлтгүй” буюу худалдан авагчиддаа хүргэлтийн мөнгөө хэмнэнгээ, бараа бүтээгдэхүүнээ очин авч худалдан авсан бүтээгдэхүүнээ өөрийн биеэр мэдрэх боломж олгох нь бас л сайн шийдэл. Мөн зарим онцгой бүтээгдэхүүн, жишээлбэл дижитал бүтээгдэхүүн борлуулах үед энэ сонголт хамгийн тохиромжтой юм.

Та бүхэн өөрийн дэлгүүрийн онцлогт тохируулан хүргэлтийн сонголтуудаа хийгээрэй.

kom.mn платформыг ашиглан онлайн бизнесээ хүчирхэгжүүлсэн танд баярлалаа.