“Нүүр хуудас” цэсийг ашиглан дэлгүүрийнхээ нүүр хуудасны харагдац, өнгө төрх, дизайныг удирдах боломжтой. Мөн хэрэглэгчдийн анхаарлыг илүү татахыг хүссэн ангиллаа нүүр хуудсанд харагдуулж, түүнийгээ яаж харагдуулахаа удирдах боломжтой.

Өмнө нь цэсний өнгө болон барааны дэвсгэр өнгийг "Ерөнхий мэдээлэл" цэснээс сонгодог байсан бол одоо “Нүүр хуудас” цэснээс сонгодог боллоо. Ингэснээр та бүхэн маань нэг дороос дэлгүүрээ хялбархан тохижуулах боломжтой юм.

Та бүхэн зарим барааныхаа дэвсгэр өнгийг үндсэн өнгөөс өөр өнгөөр солих боломжтой бөгөөд бараа болгоноо ч өөр өөр өнгөөр харагдуулах боломжтой. Үүнийг тухайн барааныхаа "Барааны мэдээлэл шинэчлэх" цонхноос удирдаарай.

Баннер зургийн хэмжээ нь Facebook-ийн ковер зургийн хэмжээтэй ижил буюу 820px x 312px хэмжээтэй. Онлайн дэлгүүртээ өнгөлөг, сонирхол татахуйц баннер ашиглах нь дэлгүүрийг үзэмжтэй болгож өгдөг.

“Блок нэмэх” хэсгийг ашиглан үүсгэсэн ангиллуудаасаа сонгон дэлгүүрийнхээ нүүр хуудсанд харагдуулах боломжтой.

Сонгосон ангиллынхаа барааг 1 эгнээ буюу 2ш бараа, 2 эгнээ буюу 4ш бараа эсвэл ангиллын бүх барааг нь харагдуулахаар сонгох боломжтой. Ангиллын тохиргоон дотор нүүр хуудаснаас хасах тохиргоо мөн байрлаж байгаа.

Нүүр хуудсаа илүү үзэмжтэй болгох үүднээс сонгосон блокуудаа удирдах боломжтой болгосон байгаа. Та бүхэн дээшээ, доошоо сумыг ашиглан блокуудын байрыг сольж дэлгүүрээ илүү сонирхолтой болгож тохижуулаарай.

Бидний хийсэн шинэчлэл, хөгжүүлэлт та бүхэнд таалагдсан гэж найдаж байна.

Таны энэ өдрийн тохиолдол бүхэн сайхан байхыг хүсье.